Busnesau B Corp sy'n arwain yng Nghymru

Barti Rum

Mae Barti Rum, a sefydlwyd yn 2017, yn cyfuno rym Caribïaidd â gwymon lawr o Sir Benfro wedi’i gasglu â llaw am flas cyfoethog a llyfn. Wedi’i ardystio’n B Corp yn 2024, mae’r cwmni’n hyrwyddo cynaliadwyedd a busnes moesegol. Mae Barti yn berffaith ar gyfer sipian neu gymysgu, gyda nodiadau o fanila, sbeis a sitrws, wedi’u hysbrydoli gan fachlud haul gorllewin Cymru.

Coaltown Coffee

Mae Coaltown Coffee yn rhostio coffi gwyrdd o ffynonellau moesegol gan gynhyrchwyr gorau’r byd yn Rhydaman. Gydag ethos i greu coffi blasus tra’n dangos yr un parch tuag at y blaned, pobl ac elw, daeth yn B Corp ardystiedig yn 2019, ac roedd yn un o’r cwmnïau coffi cyntaf yn y DU i gyflawni hyn.

Drop Bear Beer

Mae Golden Hooves (First Milk) yn gwmni cydweithredol sy’n eiddo i ffermwyr ym Mhrydain, ac yn cynhyrchu llaeth premiwm trwy arferion adfywiol. O gaws arobryn i ffermio cynaliadwy, maent yn blaenoriaethu bioamrywiaeth, dal carbon a stiwardiaeth dŵr. Fel cyflogwr cyflog byw go iawn, maent yn buddsoddi mewn pobl trwy hyfforddiant, prentisiaethau a gwirfoddoli – gan adeiladu cymuned laeth wydn sy’n canolbwyntio ar y dyfodol.

Golden Hooves

Mae Golden Hooves (First Milk) yn gwmni cydweithredol sy’n eiddo i ffermwyr ym Mhrydain, ac yn cynhyrchu llaeth premiwm trwy arferion adfywiol. O gaws arobryn i ffermio cynaliadwy, maent yn blaenoriaethu bioamrywiaeth, dal carbon a stiwardiaeth dŵr. Fel cyflogwr cyflog byw go iawn, maent yn buddsoddi mewn pobl trwy hyfforddiant, prentisiaethau a gwirfoddoli – gan adeiladu cymuned laeth wydn sy’n canolbwyntio ar y dyfodol.

Halen Môn

Tra bod Halen Môn o Ynys Môn yn parhau i ennill gwobrau am ei gynnyrch halen môr, mae hefyd yn gweithio’n ddiflino i sicrhau mai ei bobl a’r blaned yw ei flaenoriaethau. Yn dilyn cefnogaeth gan Glwstwr Cynaliadwyedd Bwyd a Diod Llywodraeth Cymru, ymunodd y cwmni â chymuned B Corp yn 2023.

Hilltop

Yn 2022, Hilltop oedd brand mêl cyntaf y DU i gael ei ardystio gan B Corp. Ers ceisio achrediad B Corp, mae’r cwmni wedi profi llawer o fanteision megis gwelliannau mewn effeithlonrwydd ynni, lleihau gwastraff, pecynnu, ymgysylltu â’r gymuned ac ymgysylltu â gweithwyr.

MamGu Welshcakes

Mae MamGu Welshcakes wedi’u lleoli mewn adeilad rhestredig Gradd 2 hardd o’r 14eg ganrif, sy’n ffinio ag Eglwys Gadeiriol Tyddewi. Mae cynaliadwyedd wrth wraidd eu gwaith, ynghyd â phobl leol a’r amgylchedd. Maent yn falch o fod yn cyflogi dros ddeugain o bobyddion, arlwywyr bwyd a gwneuthurwyr coffi sy’n byw’n lleol i’r busnes.

Tiny Rebel

Daeth Tiny Rebel, sy’n adnabyddus am gwrw beiddgar ac amseroedd da, yn ardystiedig gan B Corp ers mis Ebrill 2024. Ar ôl 18 mis o drawsnewid, mae’r tîm yn falch o hyrwyddo pobl, y blaned a’r gymuned. Mae’r garreg filltir hon yn adlewyrchu eu hymrwymiad i effaith gadarnhaol, cydweithio a gwelliant parhaus – gan brofi ei bod yn bragu er budd pawb.

Welsh Coffee Co.

Mae Welsh Coffee Co. yn gwerthu niferoedd cyfyngedig o goffi gradd arbenigol, o ansawdd uchel. Gydag ethos brand wedi’i wreiddio mewn cynaliadwyedd, ymwybyddiaeth ofalgar a bywyd yr arfordir, mae ei steil yn debyg i’r rhostwyr coffi “ton newydd” yn Sgandinafia ac Awstralia, gyda ffocws ar goffi wedi’i rostio’n ysgafnach sy’n rhoi gwell ansawdd a blas.

Wholebake

Mae Wholebake yn gwneud byrbrydau iach, gan gynnwys rhai heb glwten. Mae greddf entrepreneuraidd ac anghenion cwsmeriaid bob amser wedi bod wrth calon y cwmni, ond ochr yn ochr â hyn mae wastad wedi ceisio gweithredu gyda chydwybod. Gyda’r gwerthoedd craidd hyn yn creu asiad perffaith, cafodd Wholebake ei ardystio yn B Corp yn 2021.