Stiw ffa borlotti gyda pesto topiau moron

  • Amser paratoi 10 mun
  • Amser coginio 15 mun
  • Ar gyfer 4
borlotti bean stew

Bydd angen

Ar gyfer y stiw ffa borlotti 

  • 2 lwy fwrdd olew olewydd
  • 2 ewin garlleg
  • 1 sbrigyn rhosmari
  • 1 ddeilen llawryf
  • 2 foronen gyda’u topiau (y moron wedi’u torri’n giwbiau mân, cadwch y topiau ar gyfer y pesto)
  • 200g tomatos, wedi’u torri’n ddarnau 1-2cm (neu 200g o domatos tun yn y gaeaf)
  • 1 llwy fwrdd finegr (gwin coch, seidr, neu un arall)
  • 240g ffa borlotti wedi’u coginio, a’r hylif coginio (neu, gwnaiff unrhyw ffa mewn tun neu wedi’u coginio y tro)


Ar gyfer y pesto

  • 25g topiau moron, wedi’u glanhau, a mwy i addurno
  • 25g basil, persli neu oregano
  • 1 ewin garlleg bychan, wedi’i dorri’n fân
  • 1 llwy fwrdd cnau pîn neu friwsion bara, wedi’u tostio
  • 1 llwy fwrdd wedi’i gratio parmesan neu furum maethlon
  • 110ml olew olewydd ifanc iawn
  • Bara i weini, dewisol
  • I weini: briwsion bara, croen lemon, perlysiau wedi’u torri, olew olewydd

Rysáit a ddatblygwyd gan yr eco-gogydd Tom Hunt

Rwy’n hoff o godlysiau oherwydd yr holl faetholion maen nhw’n eu rhoi i ni ac i’r pridd. Mae coginio’ch ffa, codlysiau neu rawn eich hun yn un o’r pethau hawsaf, gwerth chweil, cost-effeithiol a maethlon y gallwch chi ei wneud i chi eich hun ac ar gyfer eich diet. Rydw i’n socian a swp-goginio sawl math ar ddydd Sul diog, gan greu oergell yn llawn cynhwysion parod y gellir eu trosi’n brydau mewn munud.

Mae eu rhoi i socian yn y bore yn cymryd llai na munud ac felly hefyd eu rhoi i goginio gyda’r nos. Os ydych chi’n coginio’ch codlysiau eich hun, byddwn yn argymell prynu sosban bwysedd fel y gallwch haneru’r amser coginio. Mae pesto topiau moron yn rhoi hwb i flas y rysáit hon tra’n arbed gwastraff. Cadwch dopiau moron yn ffres trwy eu tynnu oddi ar y bwnsiad o foron a’u storio’n unionsyth mewn jar o ddŵr fel tusw o flodau, neu, yn yr oergell wedi’u selio mewn cynhwysydd neu wedi’u lapio mewn bag plastig gyda darn o bapur neu gadach i amsugno lleithder gormodol.


Dull

Ar gyfer y stiw ffa borlotti 

  1. I wneud y stiw ffa borlotti, cynheswch badell drom gyda dwy lwy fwrdd o olew olewydd dros wres canolig-isel.
  2. Malwch ddau ewin garlleg yn ysgafn a’u hychwanegu at y badell yn eu crwyn gyda sbrigyn bach o rosmari a deilen llawryf.
  3. Ychwanegwch y moron i’r badell a ffriwch yn ysgafn am bum munud, yna cymysgwch y tomatos i mewn.
  4. Ychwanegwch y finegr a dod â’r cyfan i’r berw.
  5. Nesaf, ychwanegwch y ffa wedi’u coginio gyda 150ml o hylif coginio, dewch â’r cyfan i’r berw gyda chaead ar ei ben a’i fudferwi am 5-10 munud.
  6. Tynnwch y caead a pharhau i goginio nes bod yr hylif yn dechrau tewychu.
  7. Ychwanegwch sesnin a’i weini gyda’r pesto a’r topiau moron ar ei ben.

Ar gyfer y pesto

  1. I wneud y pesto, torrwch y topiau moron a basil neu berlysiau eraill yn fân a’u rhoi mewn prosesydd bwyd, ynghyd â’r ewin garlleg, cnau pîn neu friwsion bara, parmesan neu furum maethlon a 110ml o olew olewydd.
  2. Cymysgwch nes bod gennych wead bras ond cyson.
  3. Defnyddiwch ar unwaith neu storiwch mewn jar lân, wedi’i selio yn yr oergell am hyd at wythnos.

Ryseitiau tebyg