Rosti Tatws a Chennin

Mwynhewch flasau cysurus y pryd Cymreig traddodiadol hwn, sef Tatws a Chennin Rosti. Wedi’u gwneud â Chennin Cymreig (PGI), ac wedi’u blasu â Halen Môn (PDO), mae’r rosti’s creisionllyd yn berffaith ar gyfer brecwast Cymreig swmpus, neu fel saig bach sawrus.

Dull

1. Gadewch y tatws yn gyfan a’u berwi am 5 munud. Yn y cyfamser, sleisiwch y genhinen yn denau, a’i golchi i gael gwared ar unrhyw raean. Cynheswch 1 llwy fwrdd o’r olew had rêp mewn padell ffrio fawr, ychwanegwch y genhinen wedi’i draenio a’i choginio am 2-3 munud i’w meddalu. Rhowch y cyfan i mewn i bowlen fawr.
2. Draeniwch y tatws, eu rinsio mewn dŵr oer a’u draenio eto. Gratiwch nhw’n fras i mewn i’r bowlen. Ychwanegwch y blawd a’i gymysgu gyda’r cennin. Ychwanegwch yr wy, sesnwch gyda Halen Môn a phupur a chymysgu’r cyfan yn dda.
3. Ail-gynheswch y badell ffrio, ychwanegwch 3 llwy fwrdd o’r olew had rêp yna gollyngwch lond llwyau bwrdd o’r cymysgedd tatws i’r badell, gan eu fflatio i greu cylchoedd gwastad.
4. Coginiwch nhw dros wres cymedrol am 4-5 munud nes bod yr ochr isaf yn frown euraid dwfn. Trowch y rosti yn ofalus a’u coginio eto nes eu bod wedi brownio. Codwch nhw allan o’r badell a’u cadw’n gynnes tra’n coginio gweddill y cymysgedd, gan ychwanegu mwy o olew yn ôl yr angen. Gweinwch nhw’n boeth fel rhan o’ch Brecwast Cymreig.